ខេត្តពោធិ៍សាត់៖ ក្នុងគោលបំណងពង្រឹងប្រសិទ្ធភាពការអនុវត្តច្បាប់ និងជំរុញការងារអនុវត្តដីកាឱ្យកាន់តែមានប្រសិទ្ធភាព នៅស្នងការដ្ឋាននគរបាលខេត្តពោធិ៍សាត់ បានរៀបចំពិធីទទួលការចុះអធិការកិច្ច និងត្រួតពិនិត្យការងារអនុវត្តដីកា ព្រមទាំងការជូនដំណឹងអំពីសាលដីកាកំបាំងមុខ ពីឯកឧត្តមបណ្ឌិត នួន សាន អគ្គព្រះរាជអាជ្ញា នៃមហាអយ្យការ អមសាលាឧទ្ធរណ៍បាត់ដំបង នាព្រឹកថ្ងៃទី៣ ខែមិថុនា ឆ្នាំ២០២៦។ ពិធីនេះមានអញ្ជើញចូលរួមពី ឯកឧត្តមអគ្គព្រះរាជអាជ្ញារង ឯកឧត្តមព្រះរាជអាជ្ញា សាលាដំបូងខេត្ត ប្រតិភូអមសាលាឧទ្ធរណ៍បាត់ដំបង និងក្រុមការងារ លោកស្នងការរង លោកនាយ នាយរងការិយាល័យ លោកអធិការ អធិការរង នាយ នាយរងផ្នែក និងលោកនាយ នាយរងប៉ុស្តិ៍នគរបាលរដ្ឋបាល ដែលជាមន្ត្រីនគរបាលយុត្តិធម៌ សរុបចំនួន១៣០នាក់។ លោកឧត្តមសេនីយ៍ទោ ស ថេង ស្នងការនគរបាលខេត្ត បានអានរបាយការណ៍ស្វាគមន៍ និងវឌ្ឍនភាពការងាររបស់នគរបាលយុត្តិធម៌នៃស្នងការដ្ឋាននគរបាលខេត្ត ស្តីពីលទ្ធផលការងារអនុវត្តដីកា ការស្រាវជ្រាវតាមចាប់ខ្លួនជនជាប់ចោទ និងជនត្រូវផ្តន្ទាទោស ព្រមទាំងបញ្ហាប្រឈមនានាក្នុងដំណើរការអនុវត្តសាលដីកា និងដីកាដែលនៅសេសសល់។ ឯកឧត្តមព្រះរាជអាជ្ញា វង្ស ប៊ុនវិសុទ្ធ ព្រះរាជអាជ្ញានៃសាលាដំបូងខេត្តពោធិ៍សាត់ ឯកឧត្តម និងលោកជំទាវ អនុលេខាធិការ អមសាលាឧទ្ធរណ៍បាត់ដំបង បានថ្លែងនូវប្រសាសន៍ចំណាប់អារម្មណ៍ លើការងាររបស់នគរបាលយុត្តិធម៌ លើការអនុវត្តដីកា […]

រាជធានីភ្នំពេញ៖ នៅព្រឹកថ្ងៃពុធ ទី៣ ខែមិថុនា ឆ្នាំ២០២៦នេះ ឯកឧត្តម នាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ តំណាងដ៏ខ្ពង់ខ្ពស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីប្រកាសផ្ទេរភារកិច្ច និងតែងតាំងមុខតំណែងនាយនគរបាលថ្នាក់ឧត្តមសេនីយ៍ នៃអគ្គស្នងការដ្ឋាននគរបាលជាតិ ចំនួន ៧រូប នៅទីស្ដីការក្រសួងមហាផ្ទៃ។ ថ្លែងក្នុងឱកាសនោះ ឯកឧត្តម នាយឧត្តមសេនីយ៍ ស ថេត បានមានប្រសាសន៍ថា ឯកឧត្តមមានជំនឿចិត្តយ៉ាងមុតមាំថា នាយនគរបាលថ្នាក់ឧត្តមសេនីយ៍ទាំង៧រូប ដែលត្រូវប្រកាសផ្ទេរភារកិច្ច និងចូលកាន់តំណែងនាពេលនេះ នឹងខិតខំពុះពារដឹកនាំអង្គភាពឱ្យបានល្អ និងទទួលបានជោគជ័យដូចអ្វីដែលបានធ្វើការប្តេជ្ញាចិត្ត។ ឯកឧត្តម នាយឧត្តមសេនីយ៍ ក៏បានណែនាំឱ្យបន្តខិតខំពង្រឹងអនុវត្តការងារ បំពេញតួនាទីដឹកនាំ គ្រប់គ្រងកងកម្លាំងឱ្យបានត្រឹមត្រូវ ដោយត្រូវរក្សាបទពិសោធន៍ល្អៗ រួមជាមួយបច្ចុប្បន្នភាពលើចំណុចដែលមានការខ្វះខាត។ ពង្រឹងសាមគ្គីភាពផ្ទៃក្នុង ដោយយកចិត្តទុកដាក់សុខទុក្ខមន្ត្រីក្រោមឱវាទ ខណៈការដឹកនាំកម្លាំងត្រូវឱ្យមានតម្លាភាព ផ្ដល់យុត្តិធម៌ចំពោះមន្រ្តី និងបែងចែក ប្រគល់ភារកិច្ចដល់មន្ត្រីឱ្យចំជំនាញ កុំបែងចែកបក្ខពួក ត្រូវមានរបបប្រជុំទៀងទាត់ ត្រួតពិនិត្យការងារ និងតម្រង់ទិស និងត្រូវមានការលើកទឹកចិត្តដល់មន្ត្រីដែលមានស្នាដៃ តែត្រូវអនុវត្តវិន័យមន្ត្រីដែលប្រព្រឹត្តខុសឆ្គង ក្នុងករណីធ្ងន់ធ្ងរត្រូវចាត់វិធានការតាមផ្លូវច្បាប់។ […]

ពោធិ៍សាត់៖ នៅរសៀលថ្ងៃទី៣ ខែមិថុនា ឆ្នាំ២០២៦ រដ្ឋបាលស្រុកបាកាន បានរៀបចំកិច្ចប្រជុំត្រួតពិនិត្យ តាមដាន និងជំរុញការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព ក្រោមអធិបតីភាព លោក ពៅ ពិសិដ្ឋ អភិបាលរង នៃគណៈអភិបាលខេត្តពោធិ៍សាត់ ដោយមានការចូលរួមពីលោកស្នងការរង លោកនាយ-នាយរងការិយាល័យ ប្រធានក្រុមប្រឹក្សាស្រុក លោកអភិបាលស្រុក លោកអធិការ-អធិការរង លោកមេបញ្ជាការកងរាជអាវុធហត្ថស្រុក លោកនាយប៉ុស្តិ៍ លោកមេភូមិ មន្ត្រីពាក់ព័ន្ធ ព្រមទាំងប្រជាពលរដ្ឋដែលជាម្ចាស់បន្ទប់ជួល ផ្ទះសំណាក់ និងសណ្ឋាគារផងដែរ។ ក្នុងឱកាសនោះ លោក ឆាយ គឹមម៉ុង អភិបាល នៃគណៈអភិបាលស្រុកបាកាន បានអានរបាយការណ៍ស្វាគមន៍ និងបង្ហាញអំពីវឌ្ឍនភាពនៃការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព ក្នុងរយៈពេលឆមាសទី១ ឆ្នាំ២០២៦ ដោយបានលើកឡើងពីលទ្ធផលការងារសំខាន់ៗ សមិទ្ធផលដែលសម្រេចបាន ព្រមទាំងបញ្ហាប្រឈមមួយចំនួនដែលត្រូវបន្តយកចិត្តទុកដាក់ដោះស្រាយ។ ជាមួយគ្នានេះ លោកឧត្តមសេនីយ៍ត្រី ហៀង ស៊ីថា ស្នងការរងផែនការងារសេនាធិការ បានធ្វើការវាយតម្លៃលើការអនុវត្តការងារគោលនយោបាយ ភូមិ-ឃុំ-សង្កាត់ មានសុវត្ថិភាព និងបានផ្សព្វផ្សាយអំពីការគ្រប់គ្រងសន្តិសុខនៅតាមទីតាំងរស់នៅប្រមូលផ្តុំ ដោយផ្តោតលើវិធានការរដ្ឋបាល វិធានការជំនាញ វិធានការមហាជន […]

ព្រឹកថ្ងៃទី២ ខែមិថុនា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្ររាជធានីភ្នំពេញ នៅសាលប្រជុំទីស្តីការក្រសួងមហាផ្ទៃ។ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ពោធិ៍សាត់៖ រដ្ឋបាលក្រុងពោធិ៍សាត់ បានរៀបចំកិច្ចប្រជុំត្រួតពិនិត្យ តាមដាន និងជំរុញការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព ក្រោមអធិបតីភាព លោក ពៅ ពិសិដ្ឋ អភិបាលរង នៃគណៈអភិបាលខេត្តពោធិ៍សាត់ ដោយមានការចូលរួមពីលោកស្នងការរង លោកនាយ-នាយរងការិយាល័យ ប្រធានក្រុមប្រឹក្សាក្រុង លោកអភិបាលក្រុង លោកអធិការ-អធិការរង លោកមេបញ្ជាការកងរាជអាវុធហត្ថក្រុង លោកចៅសង្កាត់ លោកនាយប៉ុស្តិ៍ លោកមេភូមិ មន្ត្រីពាក់ព័ន្ធ ព្រមទាំងប្រជាពលរដ្ឋដែលជាម្ចាស់បន្ទប់ជួល ផ្ទះសំណាក់ និងសណ្ឋាគារផងដែរ។ ក្នុងឱកាសនោះ លោក ផាយ ឡេង អភិបាល នៃគណៈអភិបាលក្រុងពោធិ៍សាត់ បានអានរបាយការណ៍ស្វាគមន៍ និងបង្ហាញអំពីវឌ្ឍនភាពនៃការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព ក្នុងរយៈពេលឆមាសទី១ ឆ្នាំ២០២៦ ដោយបានលើកឡើងពីលទ្ធផលការងារសំខាន់ៗ សមិទ្ធផលដែលសម្រេចបាន ព្រមទាំងបញ្ហាប្រឈមមួយចំនួនដែលត្រូវបន្តយកចិត្តទុកដាក់ដោះស្រាយ។ ជាមួយគ្នានេះ លោកឧត្តមសេនីយ៍ត្រី ហៀង ស៊ីថា ស្នងការរងផែនការងារ សេនាធិការ បានធ្វើការវាយតម្លៃលើការអនុវត្តការងារគោលនយោបាយ ភូមិ-ឃុំ-សង្កាត់ មានសុវត្ថិភាព និងបានផ្សព្វផ្សាយអំពីការគ្រប់គ្រងសន្តិសុខនៅតាមទីតាំងរស់នៅប្រមូលផ្តុំ ដោយផ្តោតលើវិធានការរដ្ឋបាល វិធានការជំនាញ វិធានការមហាជន និងវិធានការច្បាប់។ […]

ទីស្ដីការក្រសួងមហាផ្ទៃ៖ ថ្ងៃអង្គារ ទី២ ខែមិថុនា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ តំណាងដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ បានទទួលជួបពិភាក្សាការងារ ជាមួយគណៈប្រតិភូ The Royal Canadian Mounted Police (RCMP) ដែលដឹកនាំដោយលោក Paul Huston, Counsellor/Liason Officer Bangkok, Thailand និងសហការី នៃស្ថានទូតកាណាដាប្រចាំទីក្រុងបាងកក ក្នុងគោលបំណង ស្វែងរកកិច្ចសហការ ក្នុងការប្រឆាំងការជួញដូរមនុស្ស និងរកដំណោះស្រាយបញ្ហាជនអន្តោប្រវេសន៍ ដោយមានសមាសភាពចូលរួមពី អគ្គលេខាធិការ អគ្គលេខាធិការរង អនុប្រធាននាយកដ្ឋាន ប្រឆាំងអំពើជួញដូរមនុស្ស និងការពារអនីតិជន អនុប្រធាននាយកដ្ឋាន នៃអគ្គនាយកដ្ឋានអន្តោប្រវេសន៍។ លោកជំទាវ ជូ ប៊ុនអេង បានថ្លែងក្នុងនាមឯកឧត្តម អភិសន្តិបណ្ឌិត ឧបនាយករដ្ឋមន្ត្រី […]

ព្រៃវែង៖ នៅថ្ងៃទី២៩ ខែឧសភា ឆ្នាំ២០២៦ ឯកឧត្តម សុខ ផេង អនុប្រធានអចិន្ត្រៃយ៍ គណៈកម្មាធិការសាខាកាកបាទក្រហមកម្ពុជាខេត្តព្រៃវែង បានអញ្ជើញជាអធិបតីក្នុងពិធីបញ្ចុះបឋមសិលា សាងសង់ អគារមតេ្តយ្យសិក្សាស្តង់ដា(គម្រោងអគារទី៣) ជាអំណោយរបស់សាខាកាកបាទក្រហមកម្ពុជាចំនួន ១ខ្នង ស្មើនឹង ៤បន្ទប់ ដែលមាន បណ្តោយ ៣២ ម៉ែត្រ ទទឹង ១១,២ម៉ែត្រ កំពស់ ៤,១ម៉ែត្រ ស្ថិតនៅភូមិបឹងជ័រ ឃុំព្រៃទឹង ស្រុកស៊ីធរកណ្តាល ខេត្តព្រៃវែង ដោយមានការអញ្ជើញចូលរួមពីសាខាកាកបាទក្រហមកម្ពុជាគណៈកម្មាធិការសាខាខេត្ត ប្រតិភូអមដំណើរ ក្រុមប្រតិបត្តិសាខា លោក ស៊ាន ចិន្តា ប្រធានគណៈកម្មាធិការអនុសាខាស្រុកស៊ីធរកណ្ដាល មន្ត្រីប្រចាំការអនុសាខា ក្រុមកាកបាទក្រហមឃុំ គណៈកម្មការសាលា នាយក លោកគ្រូ-អ្នកគ្រូ អ្នកស្ម័គ្រចិត្តភូមិ ទីប្រឹក្សាយុវជន យុវជនកាកបាទក្រហមកម្ពុជា ប្រជាពលរដ្ឋ ក្រុមម៉ៅការសំណង់​ និងសិស្សានុសិស្ស យ៉ាងច្រើនកុះករ។ ចំពោះពិធីបញ្ចុះបឋមសិលា សាងសង់អគារមតេ្តយ្យសិក្សាស្តង់ដា(គម្រោងអគារទី៣) ជាអំណោយរបស់សាខាកាកបាទក្រហមកម្ពុជា គឺជាចំណងដៃថ្មីដើម្បីឆ្លើយតបទៅនឹងចំនួនសិស្ស ដែលមានការកើនឡើងជារៀងរាល់ឆ្នាំ និងបានរួមចំណែកដ៏ថ្លៃថ្លា ក្នុងការជួយលើកកម្ពស់ដល់ការសិក្សាអប់រំ ក៏ដូចជាគុណភាពនៃការអប់រំនៅកម្ពុជា ស្របតាមគោលនយោបាយរបស់រាជដ្ឋាភិបាល […]

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានជំរុញឱ្យមន្ត្រីអង្គភាពច្រកចេញចូលតែមួយ ពន្លឿនការងារដែលនៅសេសសល់ ជាពិសេសការបម្រើសេវាសូរិយោដី ឱ្យបានល្អប្រសើរ បន្ថែមទៀត ដើម្បីបំពេញទៅតាមតម្រូវការរបស់ប្រជាពលរដ្ឋ ទន្ទឹមនឹងអង្គភាពមួយនេះ បានទទួលជ័យលាភីលេខ១ ទូទាំងប្រទេស ២ឆ្នាំជាប់គ្នា។ ឯកឧត្តម ថ្លែងបែបនេះ ក្នុងកិច្ចប្រជុំត្រួតពិនិត្យសេវាច្រកចេញចូលតែមួយ ដែលនៅសេសសល់ ស្ថិតនៅសាលប្រជុំសាលាខេត្ត នាព្រឹកថ្ងៃទី២៩ ខែឧសភា ឆ្នាំ២០២៦។ ក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាជាប្រធានគណៈបញ្ជាការឯកភាពខេត្ត សម្រេចកែសម្រួលសមាសភាពក្រុមការងារបង្ក្រាប និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្រខេត្តកំពង់ចាម។ ឯកឧត្តម អភិបាលខេត្ត បានណែនាំដល់អាជ្ញាធរមានសមត្ថកិច្ច និងមន្ត្រីពាក់ព័ន្ធ សូមបន្តចុះធ្វើរដ្ឋបាលចំហរឱ្យបានជាប់ជាប្រចាំ និងតឹងរឹងបំផុត។ ក្នុងនោះ ត្រូវជម្រាបដល់ម្ចាស់ទីតាំង បងប្អូនប្រជាពលរដ្ឋ និងមន្រ្តីគ្រប់លំដាប់ថ្នាក់ទាំងអស់ សូមកុំពាក់ព័ន្ធ កុំនៅពីក្រោយ កុំអន្តរាគមន៍ និងសូមសហការរាយការណ៍មកអាជ្ញាធរមានសមត្ថកិច្ច ដេីម្បីប្តេជ្ញាចិត្តរួមគ្នា រៀបចំសម្អាតផ្ទះយើងឱ្យបានស្អាត ដើម្បីចូលរួមជាមួយរាជរដ្ឋាភិបាលក្នុងការអភិវឌ្ឍប្រទេស និងសេដ្ឋកិច្ចជាតិឱ្យបានរឹងមាំ។ ឯកឧត្តម អភិបាលខេត្ត […]

បន្ទាយមានជ័យ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអំពាវនាវដល់ថ្នាក់ដឹកនាំ មន្ត្រីរាជការ អាជីវករ ពាណិជ្ជករ សប្បុរសជន ចូលរួមជាមួយរដ្ឋបាលខេត្តក្នុងយុទ្ធនាការ “១ម៉ឺនរៀល ១ម៉ឺននាក់” ដើម្បីរៃអង្គាសថវិកាជួយដល់ កុមារកម្ពុជា ដែលកំពុងសម្រាកព្យាបាលនៅមន្ទីរពេទ្យគន្ធបុប្ផា។ ការអំពានាវនេះធ្វេីឡេីងនៅឱកាសឯកឧត្តម ដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត ដោយមានការអញ្ជើញចូលរួមពី ស្ថាប័នអយ្យការអមសាលាដំបូង មេបញ្ជាការកងកម្លាំងគ្រប់ជាន់ថ្នាក់ គណៈអភិបាលរងខេត្ត មន្ទីរ អង្គភាពពាក់ព័ន្ធជុំវិញខេត្ត អភិបាលក្រុង-ស្រុក ប្រារព្ធធ្វើនៅសាលប្រជុំ ក សាលាខេត្តបន្ទាយមានជ័យ នៅព្រឹកថ្ងៃទី២៩ ខែឧសភា ឆ្នាំ២០២៦។ សូមបញ្ជាក់ថា យោងតាមសេចក្តីជូនដំណឹងរបស់រដ្ឋបាលខេត្តបន្ទាយមានជ័យ នឹងមានការរៀបចំនូវព្រឹត្តិការណ៍ជិះកង់ដើម្បីរៃអង្គាសថវិកា គ្រោងនឹងប្រព្រឹត្តទៅថ្ងៃទី៧ ខែមិថុនា ឆ្នាំ២០២៦ ដោយជិះជុំវិញក្រុងសិរីសោភ័ណ ដើម្បីកៀគរថវិកាចូលរួមមូលនិធិគន្ធបុប្ផាកម្ពុជា ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ សម្រាប់កុមារកម្ពុជា រយៈពេល ១ខែពេញ ដោយគិតចាប់ពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៦។ យុទ្ធនាការ “១ម៉ឺនរៀល ១ម៉ឺននាក់” សម្រាប់កុមារកម្ពុជា […]

ខេត្តកណ្តាល៖ ដើម្បីអនុវត្តវិធានការយ៉ាងម៉ឺងម៉ាត់របស់រាជរដ្ឋាភិបាល ក្នុងការបោសសម្អាតបទល្មើស Online Scams ឱ្យអស់ក្នុងព្រះរាជាណាចក្រកម្ពុជា នៅថ្ងៃទី២៧ ខែឧសភា ឆ្នាំ២០២៦ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ដឹកនាំកងកម្លាំងមានសមត្ថកិច្ច មន្ត្រីជំនាញ និងអាជ្ញាធរក្រុងសំពៅពូន បានចុះធ្វើរដ្ឋបាលចំហរ ស្របតាមអនុក្រឹត្យលេខ ០៣ អនក្រ.បក ក្នុងភូមិសាស្ត្រក្រុងសំពៅពូន ដើម្បីបោសសម្អាតបទល្មើស Online Scams ឱ្យអស់ពីមូលដ្ឋានខេត្តកណ្តាល។ ក្នុងឱកាសចុះធ្វើរដ្ឋបាលនេះដែរ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានលើកទឹកចិត្តដល់បងប្អូនប្រជាពលរដ្ឋ សូមផ្ដល់ព័ត៌មាន ឬទីតាំងដែលប្រព្រឹត្ត Online Scams ក្នុងខេត្តកណ្ដាល ជាសម្ងាត់ ដើម្បីឈានដល់ការបង្ក្រាបទីតាំងទាំងនោះ និងជូនរង្វាន់ ព្រមទាំងរក្សាការសម្ងាត់ជូនផងដែរ។ ជាមួយគ្នានេះដែរ ឯកឧត្តមអភិបាលខេត្តកណ្ដាល បានដាក់បទបញ្ជាដល់គណៈបញ្ជាការឯកភាពរដ្ឋបាល ក្រុង-ស្រុក ទាំងអស់ ត្រូវបន្តចុះត្រួតពិនិត្យរដ្ឋបាលជាប្រចាំ ដើម្បីឈានដល់ការបោសសម្អាតបទល្មើស Online Scams ឱ្យអស់ពីមូលដ្ឋានខេត្តកណ្តាល។ ប្រភព៖ រដ្ឋបាលខេត្តកណ្ដាល

នាព្រឹកថ្ងៃព្រហស្បតិ៍ ទី២៨ ខែឧសភា ឆ្នាំ២០២៦ លោកជំទាវ អុង សុភាវី រដ្ឋលេខាធិការ ក្រសួងមហាផ្ទៃ បានអញ្ជើញចូលរួមជាតំណាង ដ៏ខ្ពង់ខ្ពស់ ឯកឧត្តមអភិសន្តិបណ្ឌិត ក្នុងពិធីបើក “យុទ្ធនាការ ១ម៉ឺនរៀល ១ម៉ឺននាក់” ឆ្នាំ២០២៦ និងពិធីសំណេះសំណាលជាមួយគណៈកម្មាការទ្រទ្រង់មូលនិធិគន្ធបុប្ផាកម្ពុជា” ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រធានកិត្តិយស នៃមូលនិធិគន្ធបុប្ផាកម្ពុជា និងបាននាំយកថវិកាឧបត្ថម្ភរបស់ ឯកឧត្តមអភិសន្តិបណ្ឌិត និងលោកជំទាវ មួយចំនួន ដើម្បីបរិច្ចាគ និងគាំទ្រយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នេះ នៅសណ្ឋាគារ រ៉ាហ្វិល ឡឺ រ៉ូយ៉ាល់។ កម្មវិធីនេះ មានការអញ្ជើញចូលរួមដោយឯកឧត្តម លោកជំទាវ រដ្ឋមន្ត្រី ឯកឧត្តម លោកជំទាវ ថ្នាក់ដឹកនាំតំណាងក្រសួងស្ថាប័ន អភិបាល អភិបាលរង នៃគណៈអភិបាលរាជធានី-ខេត្ត អគ្គនាយករង នៃអគ្គនាយកដ្ឋានរដ្ឋបាល នាយករងសាលាជាតិរដ្ឋបាលមូលដ្ឋាន ប្រធាន អនុប្រធានក្រុមគ្រូពេទ្យមន្ទីរពេទ្យគន្ធបុប្ផា […]

ទីស្តីការក្រសួងមហាផ្ទៃ៖ នាព្រឹកថ្ងៃទី២៨ ខែឧសភា ឆ្នាំ២០២៦ ថ្នាក់ដឹកនាំនៃសាលាជាតិរដ្ឋបាលមូលដ្ឋាន ក្រសួងមហាផ្ទៃ ដឹកនាំដោយលោក គង់ ចាន់ថន នាយករងសាលាជាតិរដ្ឋបាលមូលដ្ឋាន បានទទួលជួបសម្តែងការគួរសម និងពិភាក្សាការងារជាមួយប្រតិភូសាកលវិទ្យាល័យវិជ្ជាជីវៈលោហៈធាតុគុនមីន ដឹកនាំដោយលោកសាស្រ្តាចារ្យ លីវ យ៉ាពឹង (Liu Ya Bin) អនុប្រធាននៃសាកលវិទ្យាល័យលោហធាតុគុនមីង ព្រមទាំងមានការអញ្ជើញចូលរួមពីមន្ត្រីពាក់ព័ន្ធនៃអង្គភាពទាំងពីរសរុបចំនួន២១រូប (ស្រី៥រូប)។ ក្នុងឱកាសនោះ ថ្នាក់ដឹកនាំសាលាជាតិរដ្ឋបាលមូលដ្ឋាន និងប្រតិភូសាកលវិទ្យាល័យវិជ្ជាជីវៈលោហៈធាតុគុនមីងបានសិក្សាស្វែងយល់ពីគ្នាទៅវិញទៅមកអំពីរចនាសម្ព័ន្ធ បេសកកម្ម និងតួនាទី ភារកិច្ចរបស់អង្គភាពនីមួយៗ ព្រមទាំងពិភាក្សាផ្លាស់ប្តូរយោបល់ ក៏ដូចពិនិត្យលទ្ធភាពកិច្នសហប្រតិបត្តិការ ជាពិសេសក្នុងក្របខ័ណ្ឌនៃការបណ្តុះបណ្តាលអភិវឌ្ឍន៍សមត្ថភាពមន្ត្រី និងការសិក្សាស្រាវជ្រាវរួមគ្នា។ ទន្ទឹមនេះ ភាគីទាំងពីរបានឯកភាពគ្នាលើគំនិតផ្តួចផ្តើមកិច្ចសហប្រតិបត្តិការមួយចំនួន ហើយបានចាត់តាំងមន្ត្រីបង្គោលដើម្បីបន្តជជែកពិភាក្សាលម្អិតជាបន្តបន្ទាប់ទៀត។ ភាគីទាំងពីរចាត់ទុកជំនួបសម្តែងការគួរសម និងពិភាក្សាការងារនេះគឺជាជំហានថ្មីមួយទៀតក្នុងការចូលរួមចំណែកពង្រឹងពង្រីកកិច្ចសហប្រតិបត្តិការ និងភាពជាដៃគូរវាងប្រទេសទាំងពីរ កម្ពុជា-ចិន ក៏ដូចអង្គភាពទាំងពីរ សាលាជាតិរដ្ឋបាលមូលដ្ឋាន-សាកលវិទ្យាល័យវិជ្ជាជីវៈលោហៈធាតុគុនមីងនៃសាធារណរដ្ឋប្រជាមានិតចិន ឱ្យកាន់តែរឹងមាំនិងស៊ីជម្រៅ សំដៅសម្រេចបានសមិទ្ធផលថ្មីជាបន្ថែមទៀតសម្រាប់ជាតិ និងប្រជាជនទាំងពីរ។ ប្រភព៖ សាលាជាតិរដ្ឋបាលមូលដ្ឋាន

រាជធានីភ្នំពេញ៖ នាព្រឹកថ្ងៃអង្គារ ទី២៦ ខែឧសភា ឆ្នាំ២០២៦ នេះ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ បានអញ្ជើញចូលរួមកិច្ចប្រជុំអន្តរក្រសួងពិភាក្សាលើការផ្តល់សេវាវិស័យរៀបចំដែនដី នគរូបនីយកម្ម និងសំណង់ ជូនប្រជាជន ក្រោមអធិបតីភាពដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅទីស្ដីការក្រសួងរៀបចំដែនដី នគរូបនីយកម្ម និងសំណង់។ កិច្ចប្រជុំនេះមានការអញ្ជើញចូលរួមពី ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល រួមជាមួយសហការី ថ្នាក់ដឹកនាំតំណាងក្រសួង ស្ថាប័នពាក់ព័ន្ធ ឯកឧត្តម លោកជំទាវ អភិបាល អភិបាលរង រាជធានី ខេត្ត ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានី ខេត្ត និងមន្រ្តីពាក់ព័ន្ធជាច្រើនរូបទៀត ។

រសៀលថ្ងៃទី២៦ ខែឧសភា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំស្ដាប់សេចក្តីរាយការណ៍ស្តីពីវឌ្ឍនភាពការងារប្រចាំចតុមាសទី១ ឆ្នាំ២០២៦ របស់អគ្គស្នងការដ្ឋាននគរបាលជាតិ នៅសាលប្រជុំទីស្តីការក្រសួងមហាផ្ទៃ។ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ខេត្តស្វាយរៀង៖ ដោយអនុវត្តតាមបទបញ្ជាដ៏ខ្ពង់ខ្ពស់ ពី ឯកឧត្ដម នាយឧត្តមសេនីយ៍ ស ថេត អគ្គស្នងការនគរបាលជាតិ​ និង​ដឹក​នាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ ព្រឹកថ្ងៃទី២៦ ខែឧសភា ឆ្នាំ២០២៦ លោកឧត្ដមសេនីយ៍ត្រី ពុត កយ ស្នងការរងទទួលផែនការងារសណ្ដាប់ធ្នាប់  និងលោកវរសេនីយ៍ឯក អ៊ុច សារ៉ន នាយការិយាល័យនគរបាលចរាចរណ៍ផ្លូវគោក បាន​ដឹកនាំ​កម្លាំង​ការិយាល័យនគរបាលចរាចរណ៍ផ្លូវគោក សហការជាមួយកម្លាំងអធិការដ្ឋាននគរបាលក្រុងបាវិត បានចុះផ្សព្វផ្សាយច្បាប់ស្ដីពីចរាចរណ៍ផ្លូវគោក ដល់អ្នកបើកបររថយន្ដដឹកកម្មករ កម្មការិនី ចំនួន​ ១៣៧នាក់ ស្រី ០២នាក់​ ស្ថិតនៅ នៅតំបន់សេដ្ឋកិច្ចពិសេស មេនហាតធេន ក្រុងបាវិត ខេត្តស្វាយរៀង អោយ​គោរព​ច្បាប់​ចរាចរណ៍​អោយ​ត្រឹមត្រូវ​ និង​បេីកបរ​ចេះ​អធ្យាស្រ័យ​គ្នា​ ទៅ​វិញ​ ទៅមក។ ប្រភព៖ ស្នង​ការ​ដ្ឋាន​នគរបាល​ខេត្ត​ស្វាយរៀង

ប៉ៃលិន៖ ថ្ងៃទី២៣ ខែឧសភា ឆ្នាំ២០២៦ ដោយអនុវត្តយ៉ាងហ្មឺងម៉ាត់តាមបទបញ្ជា របស់រាជរដ្ឋាភិបាលកម្ពុជា លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានគណៈបញ្ជាការឯកភាពខេត្ត បានដឹកនាំសមត្ថកិច្ចចម្រុះ សហការជាមួយព្រះរាជអាជ្ញាអមសាលាដំបូងខេត្ត បន្តចុះធ្វើរដ្ឋបាលត្រួតពិនិត្យ នៅតាម ផ្ទះជួល សណ្ឋាគារ ផ្ទះសំណាក់ និងរីសត ដែលសង្ស័យមានការលួច បង្កប់ បទល្មើស បច្ចេកវិទ្យា (Online Scams) និងធ្វើការបង្ក្រាប ១ទីតាំង និង រឹបអូសសម្ភារ ជាច្រើនសំរាប់ធ្វើសកម្មភាព លាក់ទុកក្នុងបន្ទប់ជួល ១ទីតាំង ព្រមទាំងបានឃាត់ខ្លួនជនបរទេសចំនួន ១៧នាក់ ស្នាក់នៅជិតទីតាំង ដើម្បីត្រួតពិនិត្យឯកសារ និងកសាងសំណុំរឿងទៅតាមនិតិវិធីច្បាប់។ សមត្ថកិច្ចចម្រុះ បន្តយុទ្ធនាការ ចុះត្រួតពិនិត្យរដ្ឋបាល នៅតាមទីតាំងស្នាក់នៅប្រមូលផ្តុំ និងការដាក់ប៉ុស្តិ៍ត្រួត ពិនិត្យនៅតាមដងផ្លូវជាតិ សំខាន់ៗក្នុងខេត្ត ក្នុងគោលបំណង រឹតបន្តឹងនៃការអនុវត្តរបបសន្តិសុខសង្គម និង សណ្តាប់ ធ្នាប់សាធារណៈ នៅក្នុងខេត្ត ទាំងមូល ស្របតាមវិធានការចាំបាច់របស់រាជរដ្ឋាភិបាល ដោយត្រូវយកចិត្តទុកដាក់ខ្ពស់លើការងារគ្រប់គ្រងសុវត្ថិភាព តាមរយៈការលួចចូលមករស់នៅដោយខុសច្បាប់ […]

បន្ទាយមានជ័យ៖ ថ្លែងក្នុងពិធីបុណ្យពុទ្ធាភិសេក សម្ពោធឆ្លងសមិទ្ធផលនានា និងស្រោចស្រពសុគន្ធវារី ព្រះគ្រូចៅអធិការវត្តធម្មសាមគ្គីពង្រ ភូមិពង្រ សង្កាត់កំពង់ស្វាយ ក្រុងសិរីសោភ័ណ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អំពាវនាវដល់បងប្អូនប្រជាពលរដ្ឋបន្តនូវការគោរពអនុវត្តឱ្យបានខ្ជាប់ខ្ជួន និងបង្កើនការចូលរួមថែរក្សា ការពារប្រពៃណី ទំនៀមទំលាប់ដ៏ល្អផូរផង់ ដែលបានបន្សល់ពីដូនតារៀងមក និងរួបរួមសាមគ្គីភាពគ្នាក្នុង ការចូលរួមកសាង និងអភិវឌ្ឍន៍ទីវត្តអារាម ក្នុងវិស័យ ព្រះពុទ្ធសាសនា ឱ្យកាន់តែរីកចម្រើនថែមទៀត។ ពិធីនេះក៏មានការនិមន្តចូលរួមព្រះឧត្តមសីលញាណ ធុល សុធា ព្រះរាជាគណៈថ្នាក់កិត្តិយស ព្រះមេគណខេត្ត ថ្នាក់ដឹកនាំមន្ត្រីសង្ឃ ឯកឧត្តម លោកជំទាវ សមាជិកក្រុមប្រឹក្សាខេត្ត អង្គភាព ស្ថាប័នពាក់ព័ន្ធជុំវិញខេត្ត រួមនឹបងប្អូនប្រជាពុទ្ធបរិស័ទចូលរួមយ៉ាងច្រេីនកុះករ ប្រារព្ធធ្វើឡើងវត្តធម្មសាមគ្គីពង្រ នាព្រឹកថ្ងៃទី២៤ ខែឧសភា ឆ្នាំ២០២៦។ នាឱកាសនោះឯកឧត្ដម អភិបាលខេត្ត ជំរុញដល់គ្រប់វត្តអារាមទាំងអស់ បង្កើនការយកចិត្តទុកដាក់លើផ្នែកអនាម័យ-បរិស្ថាន មានភាពបៃតង និងឱ្យវត្តអារាមនៅតែបន្តដើរតួនាទីជាកន្លែងអប់រំសីលធម៌ ចរិយាធម៌ គុណធម៌ សុជីវធម៌ និងជាទីកន្លែងដែលរក្សាទុកនូវវប្បធម៌ ប្រពៃណី ទំនៀមទម្លាប់ ដែលបុព្វបុរសខ្មែរយើងបានកត់ត្រាទុកពីជំនាន់មួយទៅជំនាន់មួយ សម្រាប់មនុស្សជំនាន់ក្រោយ ពិសេសទៅទៀត […]

បាត់ដំបង៖ នៅរសៀលថ្ងៃទី២៤ ខែឧសភា ឆ្នាំ២០២៦នេះ ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង និងសហការីបានអញ្ជើញជួបសំណេះសំណាល សួរសុខទុក្ខ និងនាំយកអំណោយមនុស្សធម៌របស់សប្បុរសជនក្នុងឱកាសទិវា៨ ឧសភា ផ្តល់ជូនប្រជាពលរដ្ឋរងគ្រោះដោយខ្យល់កន្រ្តាក់សរុបចំនួន៥៩គ្រួសារ រស់នៅភូមិបឹងក្រសាល ឃុំស្នឹង ស្រុកបាណន់។ ឯកឧត្តម សុខ លូ បាននាំមកនូវការផ្ដាំផ្ញើរសាកសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដោយក្ដីនឹករលឹក និងក្តីអាណិតអាសូរជាទីបំផុត។ ទុក្ខលំបាករបស់ប្រជាពលរដ្ឋគ្រប់រូប គឺជាក្តីកង្វល់របស់ថ្នាក់ដឹកនាំពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលត្រូវតែគិតគូរ និងស្វែងរកដំណោះស្រាយមួយល្អប្រសើរ ជាក់ស្តែងដូចជាការនាំយកអំណោយសង្គ្រោះបន្ទាន់មកចែកជូនដល់ប្រជាពលរដ្ឋរងគ្រោះ។ ឯកឧត្តម បានគូបញ្ជាក់ថា សកម្មភាពមនុស្សធម៌នាថ្ងៃនេះ គឺជាការឆ្លើយតបទៅនឹងទំនុកចិត្តដែលសប្បុរសជនគ្រប់មជ្ឈដ្ឋានបានផ្តល់ ជូនកាកបាទក្រហមកម្ពុជា និងជាសក្ខីភាពមួយយ៉ាងច្បាស់ដែលបង្ហាញពីតម្លាភាព និងគណនេយ្យភាពរបស់កាកបាទក្រហមកម្ពុជា ក្នុងការប្រើប្រាស់ថវិកាដែលទទួលបានពីសប្បុរសជនគ្រប់មជ្ឈដ្ឋានជាពិសេសក្នុងឱកាសទិវាពិភពលោកកាកបាទក្រហម និងអឌ្ឍចន្ទក្រហម៨ ឧសភា ឱ្យចំគោលដៅ និងប្រកបដោយប្រសិទ្ធភាពបំផុតដើម្បីជួយសម្រាលទុក្ខលំបាកដល់ជនងាយរង គ្រោះបំផុតនៅតាមសហគមន៍ដែលត្រូវការឱ្យជួយជាចាំបាច់។ ឯកឧត្តម បានណែនាំដល់អាជ្ញាធរមូលដ្ឋានត្រូវបន្តតាមដាន និងផ្ដល់ការយកចិត្តទុកដាក់អន្តរាគមន៍ជួយដល់ប្រជាពលរដ្ឋដែលរងគ្រោះជួបការលំបាកឱ្យបានទាន់ពេលវេលា។ ឯកឧត្តម សុខ […]

ទីស្តីការក្រសួងមហាផ្ទៃ៖ នៅថ្ងៃសុក្រ ទី២២ ខែឧសភា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម សក់ សេដ្ឋា ទេសរដ្ឋមន្ត្រីទទួលបេសកកម្មពិសេស និងជាអនុប្រធានអចិន្ត្រៃយ៍ គ.ជ.អ.ប. បានអញ្ជើញថ្លែងបើកសិក្ខាសាលាផ្សព្វផ្សាយ និងដាក់ឱ្យអនុវត្ត “ផែនការអនុវត្តរយៈពេល៥ឆ្នាំ ដំណាក់កាលទី២ (២០២៦-២០៣០)” នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (២០២១-២០៣០)។ សិក្ខាសាលានេះ មានការអញ្ជើញចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ថ្នាក់ដឹកនាំ និងមន្ត្រីមកពីក្រសួងស្ថាប័ន រដ្ឋបាលថ្នាក់ជាតិ និងថ្នាក់ក្រោមជាតិ តំណាងដៃគូអភិវឌ្ឍន៍ និងអង្គការសង្គមស៊ីវិល ដោយផ្ទាល់ប្រមាណ៣០០រូប និងតាមប្រព័ន្ធ Zoom សរុបប្រមាណ៩ពាន់រូប។ ក្នុងនាមតំណាងដ៏ខ្ពង់ខ្ពស់របស់ ឯកឧត្តម ទេសរដ្ឋមន្ត្រីទទួលបេសកកម្មពិសេស និងជាអនុប្រធានអចិន្ត្រៃយ៍ គ.ជ.អ.ប. ឯកឧត្តម ចាន់ សុធា បានថ្លែងអំណរគុណ និងវាយតម្លៃខ្ពស់ចំពោះការចូលរួម និងកិច្ចសហការពីគ្រប់ភាគីពាក់ព័ន្ធ ក្នុងការជំរុញកម្មវិធីកំណែទម្រង់វិមជ្ឈការ និងវិសហមជ្ឈការ នៅកម្ពុជា។ […]

សៀមរាប ៖ ថ្ងៃសុក្រ ទី២២ ខែឧសភា ឆ្នាំ២០២៦ ដោយអនុវត្តតាមការចង្អុលដឹកនាំតម្រង់ទិសដោយផ្ទាល់ពី លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប កម្លាំងនៃអធិការដ្ឋាននគរបាលក្រុង-ស្រុកទាំង១៣ បានបន្តចុះធ្វើការផ្សព្វផ្សាយ អំពីគោលនយោបាយ ភូមិ ឃុំ-សង្កាត់ មានសុវត្ថិភាព ដើម្បីបង្ការក៏ដូចជាកាត់បន្ថយបទល្មើសតាមមូលដ្ឋាន។ ក្នុងនោះផងដែរក៏បានផ្សព្វផ្សាយ អំពីផលប៉ះពាល់នៃគ្រឿងញៀន,បារីអេឡិចត្រូនិច,ច្បាប់ស្តីពីចរាចរណ៍ផ្លូវគោក ដល់សិស្សានុសិស្សនៅតាមសាលារៀន ក៏ដូចជាប្រជាពលរដ្ឋនៅតាមមូលដ្ឋាន ទីវត្តអារាម និងបានចុះបំពេញបែបបទផ្តល់អត្តសញ្ញាណប័ណ្ណសញ្ជាតិខ្មែរ និងជំរុញបន្ថែមដល់ប្រជាពលរដ្ឋ ដែលមានកូនគ្រប់អាយុ និងអ្នកហួសសុពលភាព ត្រូវស្នើសុំអត្តសញ្ញាណបណ្ណសញ្ជាតិខ្មែរគំរូថ្មី ព្រមទាំងបានប្រគល់ជូនសៀវភៅគ្រួសារ សៀវភៅស្នាក់នៅ និងអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋនៅតាមមូលដ្ឋានផងដែរ៕ ប្រភព៖ ស្នងការដ្ឋាននគរបាលខេត្តសៀមរាប

(ត្បូងឃ្មុំ)៖ ឯកឧត្តម វង សូត អនុប្រធានទី២ រដ្ឋសភា នៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយក្រុមប្រឹក្សាស្រុក ឃុំ និងនិវត្តជន ដើម្បីពង្រឹងកិច្ចសហការ និងសួរសុខទុក្ខមន្ត្រីមូលដ្ឋាន ក្នុងស្រុកអូររាំងឪ នៅព្រឹកថ្ងៃទី២០ ខែឧសភា ឆ្នាំ២០២៥។ ពិធីសំណេះសំណាលនេះ ក៏មានការអញ្ជើញចូលរួមពី ឯកឧត្តម លោកជំទាវ តំណាងរាស្រ្តមណ្ឌលខេត្តត្បូងឃ្មុំ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪ និងឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និងឯកឧត្តម ចេង ប៊ុណ្ណារ៉ា អភិបាលរងខេត្ត តំណាង ឯកឧត្តម ប៉ែន កុសល្យ អភិបាលខេត្ត រួមនឹងប្រតិភូថ្នាក់ជាតិជាច្រើនរូប។ ឯកឧត្តម វង សូត អនុប្រធានទី២ រដ្ឋសភា បានជម្រាបជូនអង្គពិធីអំពីសមិទ្ធផល ដែលរដ្ឋសភានីតិកាលទី៧ សម្រេចបាន ជាពិសេសការធ្វើកំណែទម្រង់ស្ថាប័នរដ្ឋសភាឆ្ពោះទៅកាន់ “សភាឌីជីថល” ក្រោមការដឹកនាំរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។ ឯកឧត្តម […]

មណ្ឌលគិរី៖ នៅព្រឹកថ្ងៃព្រហស្បតិ៍ ទី២១ ខែឧសភា ឆ្នាំ២០២៦ នេះ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានអញ្ជើញដឹកនាំបើកកិច្ចប្រជុំបូកសរុបលទ្ធផលការងារប្រចាំខែឧសភា ឆ្នាំ២០២៦ និងលើកទិសដៅអនុវត្តការងារបន្តនាខែខាងមុខរបស់ស្នងការដ្ឋាននគរបាលខេត្តមណ្ឌលគិរី ដោយមានការអញ្ជើញចូលរួមពី លោក លោកស្រីស្នងការរង លោកនាយ នាយរងការិយាល័យជំនាញ លោកអធិការនគរបាលក្រុងស្រុកទាំង៥ លោកមេ បញ្ជាការវរសេនាតូចនគរបាលការពារព្រំដែនគោកទាំង២ លោកមេប៉ុស្តិ៍ច្រកទ្វារទ្វេភាគីទាំង៣ និងលោកនាយប៉ុស្តិ៍នគរបាលរដ្ឋបាលទាំង ២១ ឃុំ សង្កាត់។ លោកស្នងការ បានអនុញ្ញតឱ្យលោកវរសេនីយ៍ឯក ម៉ិញ ឈុន នាយការិយាល័យសរុបផែនការឡើងអានរបាយការណ៍សង្ខេបស្តីពីលទ្ធផលការងាប្រចាំខែឧសភាឆ្នាំ២០២៦ និងលើកទិស ដៅអនុវត្តន៍ការងារបន្តនាខែខាងមុខ របស់ស្នងការដ្ឋាននគរបាលខេត្ត។ លោកឧត្តមសេនីយ៍ទោ ឡោ សុខា បានមាន ប្រសាសន៍បូកសរុបលទ្ធផលការងារប្រចាំខែឧសភាឆ្នាំ២០២៦ និងបានដាក់ផែនការទិសដៅការងារចាំបាច់មួយចំនួន សំរាប់គ្រប់តាមបណ្តាការិយាល័យជំនាញនិងតាមបណ្តាអធិការនគរបាលក្រុងស្រុកទាំងប្រាំ និងប៉ុស្តិ៍នគរបាលរដ្ឋបាលទាំង២១ ឃុំសង្កាត់ ដេីម្បីយកទៅអនុវត្តការងារបន្តនាខែខាងមុខមានដូចខាងក្រោម៖ នាយការិយាល័យទាំងអស់ព្រមទាំងអធិការក្នុងស្រុកទាំង៥ វរសេនាតូចការពារព្រំដែនគោកទាំង២ និងប៉ុស្តិ៍ទាំង២១ត្រូវធ្វើបច្ចុប្បន្នភាព ត្រួតពិនិត្យកម្លាំងនៅតាមបណ្តាការិយាល័យជំនាញនិងតាមបណ្តាអធិការក្រុងស្រុកនិងវរព្រំដែនឱ្យបានច្បាស់លាស់និងហ្មឺងម៉ាត់ជាទីបំផុត។ អធិការនគរបាលក្រុងស្រុកទាំង៥ បន្តជំរុញឱ្យប៉ុស្តិ៍នគរបាលរដ្ឋបាលទាំង២១ ឃុំសង្កាត់ត្រូវខិតខំជំរុញនូវ ការងាររបស់នគរបាលក្នុងសហគមន៍បន្តចុះសហការជាមួយអជ្ញាធរមូលដ្ឋានក្នុងការចូលរួមធ្វើវេទិការសាធារណៈនិងលក្ខណៈសម្បត្តិទាំង៥ ស្តីពីគោលនយោបាយភូមិឃុំសង្កាត់មានសុវត្ថិភាពនៅតាមបណ្តាមូលដ្ឋាន។ ត្រូវធ្វើបញ្ជីត្រួតពិនិត្យមន្រ្តីសកម្មនិងការងារនិងត្រួតពិនិត្យទៅលើមន្រ្តីនគរបាលដែលអសកម្មក្នុងការងារឱ្យបានច្បាស់លាស់ត្រូវមានកាលើកទឹកចិត្តនិងផ្តល់រង្វាន់លើកទឹកចិត្តដល់មន្រ្តីនគរបាលដែលខិតខំបំពេញការងារជូនអង្គភាពបានល្អ។ ត្រូវខិតខំនិងយកចិត្តទុកដាក់និងផ្តល់ជូនជាថវិការដល់មន្រ្តីនគរបាលដែលកំពុងសំរាកព្យាបាលជំងឺនៅតាមគេហដ្ឋានឬកំពុងសំរាកព្យាបាលជំងឺនៅតាមមន្ទីរពេទ្យត្រូវមានការចុះសួសុខទុកលើកទឹកចំពោះមន្រ្តីនគរបាលដែលកំពុងសំរាកព្យាបាលជំងឺ។ […]

នៅព្រឹកថ្ងៃព្រហស្បតិ៍ ទី២១ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងាររៀបចំផែនការយុទ្ធសាស្រ្តជាតិ ស្ដីពីអត្តសញ្ញាណកម្ម (ដំណាក់កាលទី២) ២០២៦-២០៣៥។ ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន តំណាងអង្គការ Vital Strategies ព្រមទាំងលោកនាយ/ប្រធានការិយាល័យ និងក្រុមការងារចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្ម។ ប្រភព៖ អគ្គនាយកដ្ឋានអត្តសញ្ញាណកម្ម

រាជធានីភ្នំពេញ ៖ នៅព្រឹកថ្ងៃទី២១ ខែឧសភា ឆ្នាំ២០២៦ គណៈបញ្ជាការឯកភាពខណ្ឌកំបូល បានចុះអនុវត្តការរៀបចំសណ្ដាប់ធ្នាប់សាធារណៈ និងកែលម្អបរិស្ថាននៅតាមបណ្ដោយផ្លូវជាតិលេខ៤ ស្ថិតក្នុងសង្កាត់កន្ទោក ខណ្ឌកំបូល រាជធានីភ្នំពេញ។ ប្រតិបត្តិការនេះ ដឹកនាំដោយ លោក ទ្រី ណារ៉េត អភិបាលរងខណ្ឌកំបូល ដោយមានការចូលរួមពីកម្លាំងគណៈបញ្ជាការឯកភាពខណ្ឌ មន្ត្រីពាក់ព័ន្ធ និងអាជ្ញាធរមូលដ្ឋាន ដើម្បីពង្រឹងសណ្ដាប់ធ្នាប់ របៀបរៀបរយ និងលើកកម្ពស់សោភ័ណភាពបរិស្ថានតាមដងផ្លូវសាធារណៈ។ ការចុះអនុវត្តនេះ ផ្តោតសំខាន់លើការរៀបចំសណ្ដាប់ធ្នាប់តាមដងផ្លូវ ការសម្អាតបរិស្ថាន និងការណែនាំដល់ប្រជាពលរដ្ឋ ព្រមទាំងអាជីវករ ឱ្យចូលរួមថែរក្សាអនាម័យ និងសណ្ដាប់ធ្នាប់សាធារណៈ ដើម្បីធានាបាននូវភាពស្អាត របៀបរៀបរយ និងសុវត្ថិភាពជូនប្រជាពលរដ្ឋក្នុងមូលដ្ឋាន។ អាជ្ញាធរខណ្ឌកំបូល បានបញ្ជាក់ថា ការងាររៀបចំសណ្ដាប់ធ្នាប់ និងបរិស្ថាន នឹងបន្តអនុវត្តជាប្រចាំ ដើម្បីចូលរួមលើកកម្ពស់សោភ័ណភាពទីក្រុង និងបង្កើនគុណភាពរស់នៅរបស់ប្រជាពលរដ្ឋ៕

ពោធិ៍សាត់៖ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងជាប្រធានគណៈបញ្ជាការឯកភាពរដ្ឋបាលខេត្ត នៅព្រឹកថ្ងៃទី១៩ ខែឧសភា ឆ្នាំ២០២៦ បានអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តពោធិ៍សាត់ ប្រចាំខែឧសភា នៅសាលប្រជុំទេពឧកញ៉ាឃ្លាំងមឿង ដោយមានការចូលរួម ពីសំណាក់លោកអភិបាលរងខេត្ត, លោកអភិបាលក្រុង/ស្រុក, លោកមេបញ្ជាការ មេបញ្ជាការរង កងកម្លាំងប្រដាប់អាវុធទាំងបី ប្រភេទ, តំណាងអយ្យការអមសាលាដំបូងខេត្ត, ប្រធានមន្ទីរអង្គភាពនានាជុំខេត្ត និងមន្ត្រីពាក់ព័ន្ធមួយចំនួនទៀត។ កិច្ចប្រជុំ មានរបៀបវារៈ៖ ១. មតិបើកអង្គប្រជុំ (ដោយឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់) ២. សេចក្តីរាយការណ៍របស់លោកឧត្តមសេនីយ៍ទោស្នងការនគរបាលខេត្តពោធិ៍សាត់ -ការអនុវត្តច្បាប់ចរាចរណ៍ផ្លូវគោក -បញ្ហាគ្រឿងញៀន -ការអនុវត្តគោលនយោបាយភូមិ-ឃុំ សង្កាត់ មានសុវត្ថិភាព -សភាពការណ៍សន្តិសុខតាមខ្សែបន្ទាត់ព្រំដែនកម្ពុជា-ថៃ ៣. សេចក្តីរាយការណ៍អំពីបញ្ហាប្រឈមសំខាន់ៗ របស់រដ្ឋបាលក្រុង ស្រុក ៤. មតិចូលរួមរបស់សមាជិក សមាជិកាអង្គប្រជុំ ៥. មតិបូកសរុប (ដោយឯកឧត្តម ខូយ រីដា អភិបាល នៃគណៈអភិបាលខេត្ត)៕ ប្រភព៖ […]

កំពត៖ នៅថ្ងៃអង្គារទី១៩ ខែឧសភា ឆ្នាំ២០២៦ នេះ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញជាអធិបតីក្នុងពិធីប្រកាសចែកវិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិដីធ្លី) ជូនដល់បងប្អូនប្រជាពលរដ្ឋ មកពីភូមចំនួន៤ ក្នុងឃុំតាកែន ស្រុកឈូក។ ពិធីនេះត្រូវបានរៀបចំឡើងនៅក្នុងបរិវេណវត្តត្រពាំងបី ស្ថិតក្នុងភូមិភ្នំព្រាល ឃុំតាកែន ស្រុកឈូក ខេត្តកំពត។ យោងតាមរបាយការណ៍របស់ លោក ព្រាប សុផាត ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពត បានឱ្យដឹងថា វិញ្ញាបនបត្រសម្គាល់ម្ចាស់អចលនវត្ថុ ដែលត្រូវចែកជូនប្រជាពលរដ្ឋនៅក្នុងពិធីនេះ គឺផ្តល់ជូនបងប្អូនប្រជាពលរដ្ឋមកពីភូមចំនួន៤ រួមមាន៖ ភូមិចំការមន, ភូមិវាលក្រសាំង, ភូមិជ័យតាស្វាយ និងភូមិដំណាក់ត្រយឹង ដែលមានក្បាលដីសរុបចំនួន ២,៩២៧ ក្បាលដី ស្មើនឹង ២,៤៨៨ គ្រួសារ៕ ប្រភព៖ រដ្ឋបាលខេត្តកំពត

បន្ទាយមានជ័យ៖ នៅថ្ងៃទី១៩ ខែឧសភា ឆ្នាំ២០២៦ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អញ្ជើញដឹកនាំកិច្ចប្រជុំ ត្រៀមរៀបចំគម្រោងកែលម្អក្នុងក្រុងសិរីសោភ័ណ។ កិច្ចប្រជុំនេះក៏មានការចូលរួមពីលោក ឈឿន ក្រៃយ៉ុង អភិបាលរងខេត្ត លោក ណង វុទ្ធី នាយករដ្ឋបាលខេត្ត លោក សុក ចាន់ថា ប្រធានមន្ទីរសាធារណការ និងដឹកជញ្ជូនខេត្ត លោក ស្រេង សុផល អភិបាលក្រុងសិរីសោភ័ណ មន្ត្រីជំនាញខេត្ត និងក្រុង ចៅសង្កាត់ចំនួន៤ ក្នុងក្រុងសិរីសោភ័ណ ប្រារព្ធធ្វើឡើងនៅសាលប្រជុំ ក សាលាខេត្តបន្ទាយមានជ័យ។ ដើម្បីឱ្យគម្រោងសម្រេចបានជោគជ័យ អនុវត្តនៅឆ្នាំ២០២៧ខាងមុខ ឯកឧត្តម អ៊ុំ រាត្រី អភិបាលខេត្ត ក៏បានធ្វើការណែនាំដល់អាជ្ញាធរក្រុងសិរីសោភ័ណ ក៏ដូចជាសង្កាត់ពាក់ព័ន្ធទាំង៤នៅក្នុងក្រុង ត្រូវរៀបចំក្រុមការងារធ្វើការសិក្សាវាយតម្លៃទៅលើគម្រោងឱ្យបានល្អិតល្អន សិក្សាពីផលប៉ះពាល់នៃការអភិវឌ្ឍគម្រោង ក្នុងការសម្របសម្រួលដោះស្រាយ សុំឱ្យបងប្អូនប្រជាពលរដ្ឋចូលរួមទាំងអស់គ្នាដើម្បីកែលម្អសោភណភាពក្រុងកាន់តែមានភាពស្រស់ស្អាតនិងមានភាពបៃតង។ ចំពោះគម្រោងកែលម្អក្រុងគ្រោងនិងចាប់ផ្តេីមអនុវត្តន៍ នៅឆ្នាំ២០២៧ខាងមុខ ប្រវែងផ្លូវមានការរៀបចំក្រាលការ៉ូឡាធ្វើផ្លូវដើរ ចំនួន៦ខ្សែ រួមមាន ៖ ១-ប្រវែងផ្លូវពីភ្លើងស្តុបសួនម្ទេសក្រហម ដល់ […]

បាត់ដំបង៖ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាល នៃគណៈអភិបាលខេត្ត បានអញ្ជើញចូលរួមក្នុងពិធីផ្ទេរ-ប្រគល់សមិទ្ធផលគម្រោងសមាហរណកម្មការបោសសម្អាតមីននិងសង្គ្រោះជនពិការដោយសារមីនដំណាក់កាលទី២និងការបើកគម្រោងថ្មីដំណាក់កាលទី៣គាំទ្រហិរញ្ញប្បទានដោយរដ្ឋាភិបាលជប៉ុន ក្រោមអធិបតីភាពដ៏ខ្ពង់ខ្ពស់ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្ដរជាតិ តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងឯកឧត្តម អ៊ូអិណុ អាត់ស៊ុស៊ិ (UENO Atsushi)ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដែលពិធីនេះធ្វើឡើងនៅថ្ងៃទី១៨ ខែឧសភា ឆ្នាំ២០២៦ នៅមណ្ឌលអភិវឌ្ឍន៍មរតកតេជោ ស្ថិតនៅក្នុងស្រុកគាស់ក្រឡ ខេត្តបាត់ដំបង។ តាមរយៈរបាយការណ៍ស្វាគមន៍ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានគូសបញ្ជាក់ថា អង្គភាពស៊ីម៉ាក់ និងប្រតិបត្តិករដោះមីនដទៃទៀត បានដើរតួនាទីយ៉ាងសំខាន់ក្នុងបេសកកម្មបោសសម្អាតមីន និងគ្រាប់មិនទាន់ផ្ទុះ ជាពិសេសក្នុងភូមិសាស្ត្រទឹកដីនៃខេត្តបាត់ដំបង រួមជាមួយនឹងដៃគូអភិវឌ្ឍន៍ដទៃទៀតបានជួយបោសសម្អាតមីន និងធ្វើការអភិវឌ្ឍយ៉ាងសកម្មបំផុតតាមបណ្តាស្រុកមួយចំនួនដូចជា៖ ស្រុករតនមណ្ឌល ស្រុកបវេល ស្រុកបាណន់ ស្រុកសំឡូត ស្រុកគាស់ក្រឡ ស្រុកមោងឫស្សី និងស្រុករុក្ខគិរីជាដើម ដែលទទួលការគម្រាមកំហែងដោយសារគ្រាប់មីន និងគ្រាប់មិនទាន់ផ្ទុះ […]

តាកែវ ៖ នៅថ្ងៃទី១៨ ខែឧសភា ឆ្នាំ២០២៦ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ សុខ កែវ ច័ន្ទសារុន រួមដំណើរដោយសមាជិក សមាជិកាគណៈកម្មាធិការសាខា លោកនាយកប្រតិបត្តិសាខា មន្រ្តីប្រតិបត្តិសាខា និងអនុសាខាកាកបាទក្រហមកម្ពុជាស្រុកត្រាំកក់ បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់សាខា មកផ្តល់ជូនគ្រួសារប្រជាពលរដ្ឋរងគ្រោះដោយសារខ្យល់កន្រ្តាក់ចំនួន ៧៥គ្រួសារ  មានចំនួន ២ឃុំ ក្នុងនោះឃុំតាភេម ចំនួន៧១ គ្រួសារ និងឃុំត្រពាំងធំខាងត្បូង ចំនួន ៤គ្រួសារ ក្នុងស្រុកត្រាំកក់ ខេត្តតាកែវ។ ក្នុងឱកាសនោះ ឯកឧត្តម វ៉ី សំណាង ក៏បានពាំនាំនូវការផ្ដាំផ្ញើរសួរសុខទុក្ខពីសំណាក់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាល សម្ដេច តែងតែយកចិត្តទុកដាក់គិតគូរខ្ពស់ជានិច្ចអំពីសុខទុក្ខដល់ប្រជាពលរដ្ឋដែលរងគ្រោះ និងងាយរងគ្រោះគ្រប់ប្រភេទ នៅគ្រប់ទីកន្លែងដោយមិនប្រកាន់និន្នាការ ពូជសាសន៍ សាសនា អ្វីឡើយ ដូចពាក្យស្លោក ទីណាមានការលំបាកទីនោះមានកាកបាទក្រហមកម្ពុជា។ ជាមួយគ្នានោះឯកឧត្តម វ៉ី សំណាង […]

​ខេត្តកណ្តាល៖ រដ្ឋបាលខេត្តកណ្ដាល បានរៀបចំពិធីចុះហត្ថលេខាលើផែនទីព្រំប្រទល់រដ្ឋបាលឃុំ សង្កាត់ ទូទាំងខេត្តកណ្តាល ក្រោមអធិបតីភាពឯកឧត្តម ឈឿន ប៉ុណ្ណារ័ត្ន រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ ឯកឧត្តម គួច ចំរើនអភិបាល នៃគណៈអភិបាលខេត្តកណ្តាល និងឯកឧត្តម វុឌ្ឍី វណ្ណារ៉ា អគ្គនាយក នៃអគ្គនាយកដ្ឋានសុរិយោដី និងភូមិសាស្ត្រ និងមានការអញ្ជើញចូលរួមពីសំណាក់ លោក-លោកស្រីអភិបាលក្រុង ស្រុក ទាំង១៣ មន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត មន្ត្រីបច្ចេកទេស ព្រមទាំងលោក-លោកស្រីមេឃុំ ចៅសង្កាត់ទូទាំងខេត្តយ៉ាងច្រើនកុះករ នាព្រឹកថ្ងៃទី១៨ ខែឧសភា ឆ្នាំ២០២៦។ ពិធីចុះហត្ថលេខានេះ ធ្វើឡើងបន្ទាប់ពីក្រុមការងារបច្ចេកទេស និងអាជ្ញាធរមូលដ្ឋាន បានខិតខំប្រឹងប្រែងចុះវាស់វែង កំណត់និយាមកា និងដោះស្រាយវិវាទព្រំប្រទល់នានាដោយជោគជ័យ និងទទួលបានការឯកភាពគ្នាយ៉ាងពេញលេញពីគ្រប់ភាគីពាក់ព័ន្ធ។ ​ មានប្រសាសន៍ក្នុងឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានបញ្ជាក់ថា៖ មកដល់ពេលនេះក្នុងចំណោម១២៧ឃុំ សង្កាត់នៅក្នុងខេត្តកណ្តាលរបស់យើងដែលសំរេចបាន៩០ឃុំ សង្កាត់ ដែលក្រសួងរៀបចំដែនដីផ្តល់ការគាំទ្រនូវផែនទីរដ្ឋបាលឃុំសង្កាត់ និងនៅសល់ ៣២ឃុំ […]